Sezona proslava godišnjica mature

OLYMPUS DIGITAL CAMERA

Ovo leto su velike godišnjice mature proslavili dve generacije gimnazijskih maturanti. Oni malo stareši 55-tu i nekaj mlajši kolege 50-tu godišnjicu. Da se to nekak drukčeše obilježi pobrinula se Udruga koprivničkih gimnazijskih maturanti “Gekoma” i to prilikom promovirala novu knjigu “Maturanti staroga kova 3”. Sad vam to već zgleda kak mala tradicija. Dok je moja generacija slavila 49-tu godišnjicu pala je ideja, naravno posle par gemišta, da napravimo nekaj malo drukčeše, da to obiležimo tak kaj bi ostal nekakav trag, da to buju naša sećanja na one predivne gimnazijske dane. I fakat. Skupili smo od pajdašije kojekakve tekstove, animirali malo i druge generacije, osnovali Udrugu, jer nismo imali nekakvu dobru dušu da bu izdavač, i 22. lipnja 2013. je svetlo dana ugledala prva knjiga. Z drugom smo se prošlo leto malo pomučili jer su ovi leto dan mlajši ni bili baš za nekakvu suradnju, da bi na kraju ispala jedna vrlo pristojna knjiga. Onda smo ovo leto stvar malo obrnuli i spojili dve generacije: one z 55 let i one z 50 let od mature. I da znata da je ispalo jako dobro. Više ljudi, više sećanja, više priloga i knjiga je debleša za četrdeset stranica v odnosu na one dve prve. Moram vam reći da je promocija bila jako zgodna. Bila je baš jedna opuštena atmosfera, vidli smo ljude koje nismo imali prilike sresti još od tih gimnazijskih dana a naš prijatelj Joso, slavljenik sledeće leto, osim kaj je pozval svoju generaciju i pet let mlađe kolege na pripreme za četvrtu knjigu, je za desert ispripovedal jedan jako aktualni vic o Papi Franji. Baš v njegvom stilu.

OLYMPUS DIGITAL CAMERA

Kaj je bilo jako važno, ovi mlajši slavljenici imaju još živu razrednicu, profesoricu Mariju Pavlek, koja je došla pozdraviti svoje bivše đake i održala jen jako lepi i emotivni govor. Da bu stvar još interesantneša i ovi stareši slavljenici imaju živu razrednicu prof Olgu Jančić, koja ni došla na promociju knjige al je bila na svojim bivšim đakima na obedu iako ima ohoho prek devedeset let. Retko se koja generacija nas stareših more pofaliti da ima sreću spominjati se svojim razrednikima. Razrednici naše generacije, prof Nada Vogel i Ivo Kušek, su nas već davno napustiti. Na kraju promocije, kak je to već običaj, smo krenuli tržit knjige. Moram reći da je interes bil baš dobar, lepo smo pazarili, bilo je interesa i za naše prve dve knjige a bome smo učlanili i neke nove članove v našu Udrugu. I mojim kolegama i meni je je sve ovo bilo drago doživeti jer nam se nekak činio da još nismo za staro železo. Od nas se more još puno toga očekivati.

Više fotografija s promocije pogledajte na našoj Facebook stranici.

https://www.facebook.com/media/set/?set=a.1642870545947027.1073741833.1594417294125686&type=3

Ivan Ferenčak